Ilinniarlutik naammassisut amerlanerit niuernermik ilinniagaqarput
2012-imiit 2017-imi agguaqatigiissillugu ilinniartut amerlassusaat 15-init 11-inut ikilisimapput. Suliffeqarfinnut sulisut ilinniarsimasut amerlanerulersimapput ilinniartunut sanilliullugit. Taamaattumik 2012-imut sanilliullugu suliffeqarfinni ilinniartut ikilisimanerinut sulisut ilinniarsimasut ikilisimanerinik pissuteqanngilaq.
2015-imi suliffeqarfiit niuernermik suliaqartut aamma suliffeqarfiit sanaartornermik suliaqartut amerlanerpaanik ilinniartuuteqarsimapput. Taamanikkut sulisut ilinniarsimasut 100-ugaangata ilinniartut 24-usarsimapput aamma 22-usarsimapput.
Suliffeqarfiit akunnittarfiit aamma neriniartarfiit, suliffissuit aamma inuussutissarsiortunut kiffartuussiviit allat ilinniartut akornanni taamaallaat ukiumut 2-4 pct.-iugaluartut, 2015-imi 15-inik aamma 18-inik ilinniartuuteqarsimapput. Agguaqatigiissillugu sulisut ilinniarsimasut akornanni ilinniartuuteqarnerpaajusimapput.
Titartagaq 2. Suliaqarfiit akornanni ilinniartut amerlassusaat, 2012 aamma 2015
Nassuiaat: Ilinniartut amerlassusaat, sulisut ilinniarsimasut 100-inut ilinniartut amerlassusaat.
Najoqqutaq: Naatsorsueqqissaartarfik - nammineq naatsorsukkat (http://bank.stat.gl/UDNLBR aamma http://bank.stat.gl/ARNBFB8).